गायिका गुरुङको तिज कोशेली “माइती गाँउ” सार्वजनिक

हिन्दु नारीहरुको महान पर्व हरितालिका तिज नजिकिदै गर्दा कलाकारहरुलाई तिजको चटारोले भ्याइ-नभ्याइ छ । यतिबेला कलाकार तिजका गित गाउन र म्युजिक भिडियो बनाउनमा व्यस्त रहेका छन ।
कलाकारहरुले आफ्ना दर्शक श्रोताहरुलाई भिन्न भिन्न खालका तिज गितहरु बजारमा निकालेर नयाँ तवरले मनोरञ्जन दिन जुटीरहेका छन । पछिल्लो समय तिजका गितहरु अलिक भिन्न तथा उताउला दुरुस्तै रतौली जस्ता पनि आउन थालेका छन ।

हमाल म्युजिकको प्रस्तुतिमा गायीका कमला गुरुङको तिज गित “माइती गाँउ” बजारमा आएको छ । गुरुङ्को उक्त गित युटुब मार्फत सार्वजनिक गरिएको हो । हरेक वर्ष तीजको अवसर पारेर गायिका गुरुङले छुट्टै महत्वका गीत दर्शकहरु माझ पस्कने गर्छिन । गत वर्षको तीजमा “लभ छुटेको माया” एल्बम बजारमा ल्याएकी गुरुङले यसपालीको तीजमा “माइती गाँउ”  बोलको तीज गीत सार्वजनिक गरेकी हुन ।

उक्त तिज गीतमा गायिका गुरुङ र गायक खुमन अधिकारीको स्वर रहेको छ। गीतको भाव अनुसार गायिका गुरुङले श्रीमानसँग माइत जान ढिला भएको र “माइती गाँउ” जाने बस पनि गईसकेको कुराहरु गरेकी छिन । यतिबेला प्रवासमा रहेकी गुरुङले ५ ओटा एल्वम बजारमा निकालिसकेकी छिन् ।

मौलिक भाकामा सजिएको “माइती गाँउ” एल्बममा सामाजका वास्तविक कथा बस्तुलाई दर्शाउन खोजिएको छ । गीतमा हरि प्रसाद न्यौपानेको शब्द तथा कृष्ण सापकोटाले लय सृजना गरेका छन । चर्चित निर्देशक स्मृति तिमिल्सिना “गुरुआमा” ले निर्देशन गरेको भिडियोमा कृष्ण सापकोटा र रन्जु अधिकारीले अभिनय गरेका छन ।

गीतको भिडियोलाई सुरेस श्रेष्ठले छायाँकन तथा सुधन बस्नेतले सम्पादन गरेका छन भने दृश्य निर्माण गुरुआमा फिल्मसले गरेको छ ।

कुमार “अविरल” पन्थी

यसमा तपाइको मत

Loading...