डाङडुङे डाँडामा फिल्म नगरी : मन्त्री पौडेल

ताजा समाचार र विचार पढ्नका लागि हामीसँग फेसबुकलाइक र फलो गर्नुहोस्, तपाई ट्वीटरमा पनि समाचार प्राप्त गर्नु सक्नुहुनेछ ।

दोलखा, २० मंसिर । सूचना तथा सञ्चार मन्त्री माधवप्रसाद पौडेलले दोलखाको डाङडुङे डाँडामा अन्तर्राष्ट्रियस्तरको फिल्म नगरी बनाउन सकिने बताउनुभएको छ । सरकारले दोलखाको डाङडुङे डाँडामा बन्न लागेको फिल्म सिटीका लागि चालु आर्थिक वर्षमा रु दुई करोड छुट्याइसकेको मन्त्री पौडेलले भन्नुभयो ।

मन्त्री पौडेलले देशमै पहिलो पटक निर्माण हुन लागेको फिल्म सिटीलाई पहिलो प्राथमिकताका साथ निर्माण गरिने स्पष्ट गर्नुभयो । “अब चाँडै पूर्वाधार विकासका लागि काम अघि बढाउने छौँ” उहाँले भन्नुभयो ।

सञ्चार मन्त्रालयका सचिव, सडक विभागका महानिर्देशकसहितको टोली लिएर पहिलो पटक डाँङडुङेडाँडा पुग्नुभएका मन्त्री पौडेलले सडक, खानेपानीलगायतका पूर्वाधार निर्माणमा सरकारले ध्यान दिने बताउनुभयो ।

उहाँले लाँकुरीडाँडामा प्रस्तावित फिल्म सिटीका लागि सरकारले वातावरणीय प्रभाव मूल्याङ्कनका लागि बोलपत्र (टेन्डर)समेत आह्वान भएर काम अगाडि बढिसकेको जानकारी दिनुभयो ।

सुरुमा चीन सरकारले सहयोगका लागि चासो देखाए पनि पछिल्लो समय देशभित्रै ठूला उद्यमी, गैरआवासीय नेपालीले समेत यसमा चासो देखाएको उहाँले जानकारी दिनुभयो ।

फिल्म सिटीमा इन्डोर सुटिङका लागि आवश्यक सम्पूर्ण उपकरण तथा प्रविधिको व्यवस्था गरिने छ । फिल्म सिटी निर्माणका लागि लाँकुरीडाँडाको डाङडुङे डाँडामा एक हजार ५०० रोपनी जग्गासमेत व्यवस्था भइसकेको छ ।

डाँङडुङे डाँडालाई फिल्म सिटी बनाउनका लागि कलाकार तथा फिल्म सिटी अभियन्ता मदनदास श्रेष्ठको संयोजकत्वमा दोलखाली कलाकार तथा समाजसेवीले एक समिति समेत बनाएका छन् ।

दोलखाको लाकुरीडाँडा गाविसस्थित सेतीदेवी दादर सामुदायिक वनका उपभोक्ताले फिल्म सिटीका लागि आवश्यक जग्गा भोगाधिकार दिइसकेका छन् । फिल्म सिटीका लागि चलचित्र विकास बोर्डका पदाधिकारी, कलाकार, स्थानीय उद्यमीसहितिको टोलीले स्थलगत अध्ययन गरी लाकुरीडाँडाको सेतीदेवी दादर सामुदायिक वनअन्तर्गत पर्ने डाङडुङे डाँडालाई छनोट गरेका थिए ।

डाँडामा करिब एक हजार रोपनीको उपयुक्त चउर रहेको छ । करिब ३ हजार ४०० मिटरमा पर्ने उक्त डाँडाबाट जुगल र गौरीशंकर हिमाल नजिकैबाट अवलोकन गर्न सकिन्छ ।

अन्य ताजा समाचार र विचार पढ्नका लागि हामीसँग फेसबुकलाइक र फलो गर्नुहोस्, तपाई ट्वीटरमा पनि समाचार प्राप्त गर्नु सक्नुहुनेछ ।

Short URL: http://www.sambadmedia.com/?p=56994

Posted by on Dec 5 2013. Filed under मुख्य समाचार. You can follow any responses to this entry through the RSS 2.0. You can leave a response or trackback to this entry

यसमा तपाइको मत

तपाईका प्रतिक्रियाहरु

  • Thulkan6a: yo Bideshi Dalal haru hun Manv Adhikar karmi ko nam ma Bideshi dollar khayera nepal ma chahido na chahido...
  • sarabjit: Maile tapai KO site ramro lagcha
  • Ramesh Risal: World war ko lakchen.
  • Jhandi Ram: Petrol padartha udharo becheko dekhinna jahileni nafa rakhera nai bechchhan tara kasari jahile ni ghata...
  • wren: aba nepal ma pani invest badhayera, nepal lai ni yeso kei gare hunthio..