महासङ्घ साउथ युकेको वातावरण कविता प्रतियोगिताको नतिजाः बन्दना राई प्रथम

Loading...
१७ अप्रिल २०१७ का दिन विश्व नेपाली साहित्य महासङ्घ साउथ युके शाखाद्धारा आयोजित अर्थ आवर वातावरण साहित्य प्रतियोगितामा भोजपुरकी बन्दना राईको यो साझा घरको मान्छे शिर्षकको कविता प्रथम बन्न सफल भएको छ ।
नेपाली भाषाको अनलाइनमा पहिलो पटक प्रसारण शुरु गर्ने प्रभावशाली रेडियो बिएफबिएस गोर्खा रेडियोको काठमाडौ स्टेशनबाट १७ अप्रिल २०१७ का दिन नतिजा घोषणा गर्दै पुरस्कार वितरण गरिएको छ । विजयी तिनैजना रेडियो स्टेशनमा उपस्थिती हुनुहुन्थ्यो । प्रतियोगितामा प्रज्वल अधिकारीको शहरले गुमाएको प्राकृतिक पेन्टिंग शिर्षकको कविता दोस्रो र पवित्रा राईको खर्पनमा धर्ति बोकर शिर्षकको कविता तेस्रो बन्न सफल भएको छ । पहिलो, दोस्रो र तेस्रोले क्रमशः नगद १२ हजार, १० हजार र ८ हजार पुस्कार सहित प्रमाणपत्र गोर्खा रेडियोका संचालक विनोदध्यज खड्का र अध्यक्ष विजय हितानले हस्तान्तरण गर्नुभयो ।
नेपालबाट मात्र सहभागिता जनाउन मिल्ने र वातावरणको विषयमा सिर्जना लेख्नुपर्ने प्रावधान रहेको प्रतियोगिताको लागि २४ मार्च भित्र आईपुग्नुपर्ने गरि आब्हान गरिएको थियो र यसबर्षको अर्थ आवर २५ मार्चको दिन विश्वब्यापी मनाईएको थियो । विभिन्न ४६ जनाको कविताहरुलाई साहित्यकार विश्वास दीप तिगेला, सप्निल स्मृती र स्वयं अध्यक्ष हितानले मूल्याङ्कन गरेका थिए ।
नविन प्यासी, एकु घिमिरे, उदास कार्की, पुष्पा घिमिरे, तुलसी बस्नेत, ह्दय लेकाली, सुरज शर्माका कविताहरु उत्कृष्ट १० मा पर्न सफल भएका थिए । साहित्य महासङ्घले विगत बर्षहरुदेखि विश्व अर्थ आवरको अवसरमा विभिन्न रचनात्मक कार्यक्रम गर्दै आएका छन् ।
महासङ्घ साउथ शाखाले बैशाक ३ गते युके आसफोर्ड शहरमा भब्य कार्यक्रम सम्पन्न गरयो भने दोस्रो दिन प्रतियोगिताको नतिजा घोषणा गर्दै पुरस्कार घोषणा गरेको छ ।
– राजु सुब्बा
Loading...

यसमा तपाइको मत

Loading...
Loading...