डिसीमा दोश्रो नेपाल अमेरिका अन्तर्राष्ट्रिय चलचित्र महोत्सव २०१८ हुने 

 
गत मे महिनामा सफलता पूर्वक सम्पन्न गरेको नेपाल—अमेरिका अन्तराष्ट्रिय चलचित्र महोत्सवले दोश्रो महोत्सव गर्ने घोषणा गरेको छ l अमेरिकाको मेरिल्याण्ड राज्यमा स्थापित गैरनाफामुलक संस्था नेपाल—अमेरिका फिल्म सोसाइटीले प्रत्येक वर्ष आयोजना गर्ने नेपाल—अमेरिका अन्तराष्ट्रिय चलचित्र महोत्सवको दोस्रो संस्करण २०१८ मे १८ देखि २० सम्म हुने घोषणा संचार छापा बिज्ञप्तिमा जनाएको छ l
 
साथै वासिङ्गटन डिसी महानगर क्षेत्रमा केन्द्रित रहेर आयोजना गरिने दोस्रो अन्तर्राष्ट्रिय चलचित्र महोत्सवसका लागि विश्वभरिबाट आवेदन खुला गरिएको समेत जानकारी गराएको छ l 
 
उक्त चलचित्र महोत्सवसमा मूलतः नेपालका फिचर चलचित्र ,वृत्तचित्र ,छोटा चलचित्र ,सजीवता (एनिमेशन)का साथै सबै विधाका चलचित्रहरु प्रदर्शन गरिने जानकारी आयोजकले दिएका छन् । यसको साथै नेपाल बाहेक अमेरिका, दक्षिण एसिया सहित विश्वभरी बनेका चलचित्रहरु यस महोत्सवको उच्च प्राथमिकतामा पर्ने उक्त छापा बिज्ञप्तिमा उल्लेख गरेको छ l 
 
महोत्सवमा चलचित्र प्रदर्शन पछि चलचित्र बारे दर्शक र चलचित्र निर्माता/निर्देशक तथा कलाकारसंग बृहत छलफल कार्यक्रम पनि आयोजना गरिनेछ । यसका अतिरिक्त चलचित्रका विभिन्न विधामा आधारित भएर विषयगत छलफल तथा कार्यशालाहरुको पनि आयोजना गर्ने तय गरिने भएको छ l 
 
अन्तर्राष्ट्रिय चलचित्रकर्मीहरुको समितिले आवेदन परेका मध्येबाट उत्कृष्ट चलचित्रहरु प्रदर्शनका लागि छनोट गर्नेछन् । प्रदर्शन गरिएकामध्येबाट उत्कृष्ट चलचिहरुलाई पुरस्कृत पनि गरिनेछ । यो महोत्सव अमेरिकामा रहेका नेपाली डायस्पोरा संघसंस्था तथा व्यक्तित्वहरु, नेपाल लगायत विभिन्न देशका चलचित्र सम्बन्धी संघ संस्था र महोत्सवहरुसंगको सहकार्यमा आयोजना गरिनेछ । 
 
यस महोत्सवलाई नेपाली डायस्पोरा समुदायको चलचित्र संस्कृति सम्बन्धी साझा मञ्चको रुपमा स्थापित गराउने लक्ष्य राखिएको छ । चलचित्रको आवेदन बिधुतिय (अनलाइन ) मार्फत दिन सकिने व्यवस्था गरिएको छ र फिल्म सोसाइटीको कार्यालय अमेरिकाको ठेगानामा सिधै आवेदन पठाउन पनि सकिने छ । नेपालका चलचित्रकमीहरुले अनलाइन वा मानव अधिकार चलचित्र केन्द्रको कार्यालयमा आवेदन दिन सक्ने छन् । 
 
गत मे महिनामा सम्पन्न महोत्सवमा कथानक तर्फ राजन कठेतद्वारा निर्देशित ‘शेर्ढाक द गोल्डेन हिल’, डकुमेन्टी तर्फ जर्मनी निर्देशक सुसन ग्लोथको ‘उर्मिला माई मेमोरी इज पावर’, लघु चलचित्र तर्फ निर्देशक विभुषण बस्नेत र पूजा गुरुङको ‘दद्या’, र स्पेशल जुरी मेन्सन अवार्ड तर्फ अमेरिकी निर्देशक एन्डी कक्रमको ‘शेर्पा स्ट्यु’ उत्कृष्ट चलचित्रहरुमा परेका थिए l साथै उक्त महोत्सवमा उद्घाटनमा चलचित्र ‘सेतो सूर्य ’, र समापनमा चलचित्र ‘कालो पोथी’, प्रदर्शित गरिएको थियो l 
 
आवेदन सम्बन्धिका विवरण तथा नियमहरु संस्थाको आधिकारिक संजाल (वेभसाइट )www.nafilmsociety.org मा उपलब्ध हुने समेत जानकारी गराएको छ । महोत्सव सम्बन्धी थप प्रगति विवरणहरु तथा जानकारीका लागि सोसाइटीको सामाजिक सञ्जालमा जोडिन सक्नु हुनेछ ।
विजय थापा

यसमा तपाइको मत

Loading...

Recent Comments

Loading...